مبرد RedMagic 8 PRO الأصلي للموبايل بإضاءة RGB، بيتركّب بالمغناطيس أو بالكليب. بيحافظ على برودة موبايلك أثناء ألعاب زي PUBG وFree Fire وCall of Duty، فمش هيحصل تقطيع ولا هيقل الأداء من السخونية.

الوصف الكامل
لو بتلعب كتير على الموبايل، أكيد لاحظت إن الجهاز بيسخن والأداء بيقل بعد شوية. مبرد RedMagic Cooling Fan معمول عشان المشكلة دي بالظبط. فيه تبريد قوي وفلاجشيب بيوصل لـ ‎-25°C حسب الشركة المصنعة، فبيسحب الحرارة من ضهر الموبايل بسرعة ويخلّي الجهاز شغال بأعلى أداء طول الجيم.

الطقم فيه طريقتين تركيب. الأولى بالمغناطيس من خلال اللزقة المغناطيسية اللي جاية هدية، والتانية بكليب قابل للتعديل بيمسك أغلب مقاسات الموبايلات، سواء آيفون أو أندرويد. شكله جيمنج بامتياز، وجسمه كربون فايبر وعليه حلقة إضاءة RGB ملونة بتدي ستايل مميز لسيت أب اللعب بتاعك.

المميزات

• تبريد سريع وقوي بيقلل سخونية الموبايل أثناء الألعاب والتصوير والشحن.
• بيمنع هبوط الفريمات واللاج الناتج عن الحرارة.
• تركيب مغناطيسي أو بالكليب، ومتوافق مع أغلب الموبايلات.
• إضاءة RGB جذابة وتصميم كربون فايبر.
• خفيف وسهل الفك والتركيب وبيتشحن بكابل Type-C.
   يدعم التحكم من ابلكيشن 

محتويات العلبة

• مبرد RedMagic
• كليب تثبيت قابل للتعديل
• لزقة مغناطيسية (هدية)
• كابل داتا (هدية)
• ستيكر Red Magic Girl (هدية)